الأربعاء 22 نوفمبر 2017 07:15 ص

قهوتنا بالمجان

الخميس 07 سبتمبر 2017 05:10 م بتوقيت القدس المحتلة

قهوتنا بالمجان
أرسل إلى صديق

أنس إسماعيل

رفض مدير الصليب الأحمر الدولي شرب القهوة عند السنوار إلا بمعرفة مصير الجنود الإسرائيليين في غزة، فرد عليه يحيى "لا شيء بالمجان".

فعلا لا شيء بالمجان فاسرائيل خرقت اتفاق صفقة وفاء الأحرار وعليها الالتزام ولو أفرجت عن معتقلي الصفقة لأخدوا المعلومات، فقد تناسى مدير الصليب الأحمر ذلك وهناك أكثر من ١٠ آلاف معتقل فلسطيني في السجون منهم قاصرون وفتيات بتعم مختلفة.

بعد كل التعب والقهر جاي مدير الصليب يقول شو أخبار الأسرى الإسرائيليين، تخافش يا روح أمك متجليين في غزة ومحفوظين لحد ما توافق "إسرائيل" وإحنا وإياهم والزمن طويل.

مدير الصليب بيفكر حالوا قاعد مع جماعة عباس المكناس يوقع له يحيى شيك عبياض، فش اشي ع بياض ورجينا تنورجيك، بيكفينا إلي فينا الله يخليك، جاي محضر خير مرحبا بيك، جاي تقيس الطريق الباب بيوفت جمل وقول لنتنياهو الأسرى بخير ما عليكم غير الصفقة وبدون الصفقة انسوا الموضوع.

استقبل يحيى السنوار مدير الصليب استقبال الزعماء ورحب به بكل أساليب الترحاب وقدمه له واجب الضيافة لكن الراجل زعلان بده يرقص بالكلاشنكوف مع يحيى، وأعطيني آخر أغنية شعبية.

الطريق واضح جدا أعطيني باعطيك، سلمني نظيف أسلمك نظيف عندنا ١٠ آلاف سجين فلسطيني مستنين لحظة بلحظة يشوفوا ولادهم وعائلاتهم مش لحاله هدار عنده عائلة، نقطة وآخر السطر.

المصدر: فلسطين الآن